“ഞാന്‍ നിന്ദിച്ചതല്ല. കീയെപ്പോലെ മുഖത്ത്‌ മേഘശുദ്ധിക്ക്‌ സമാനമായ വെണ്മയുള്ളവര്‍ വിഷാദിച്ചിരിക്കുന്നത്‌ എന്നെ അസ്വസ്ഥനാക്കുന്നു. നമ്മള്‍ ബന്ധുക്കളല്ലേ?”

“വാനിനെ ബന്ധുവെന്ന നിലയില്‍ തന്നെയാണ്‌ കാണുന്നത്‌. പക്ഷേ, വാന്‍ എന്റെ മനസിനെ വല്ലാതെ അലട്ടുന്നു. എന്നെ എന്തിനാണ്‌ ഇങ്ങനെനോക്കുന്നത്‌?”

“ഞാന്‍ കീയെ ഇഷ്ടപ്പെടുന്നു. എത്രനാള്‍ വേണമെങ്കിലും ഞാന്‍ കീയുടെ നടത്തയും വസ്ത്രങ്ങള്‍ കാറ്റില്‍ ഇളകുന്നതും നോക്കിയിരിക്കാം. അതെന്നില്‍ പ്രതിബിംബിക്കുന്നു; പ്രതിധ്വനിക്കുന്നു. അത്‌ ആരോ എന്നില്‍ ഏതോ നിറങ്ങള്‍ കോറിയിടുന്നു. ഒരിക്കലും മായാതെ ആ ചിത്രം മനസിലുണ്ട്‌. അത്‌ എന്നെങ്കിലും വരയ്ക്കണമെന്ന്‌ ആശിക്കുന്നു."