Ente counseling anubhavangal

സോഷ്യൽ വെൽഫെയർ ഡിപ്പാർട്ടുമെന്റിൽ സ്‌കൂൾ കൗൺസിലറായ കലാ ഷിബുവിന്റെ ടീനേജ് കേസ് ഡയറി. അടിസ്ഥാനവിദ്യാഭ്യാസം പോലെ ഓരോ കുട്ടിക്കും നല്‌കേണ്ട ഒന്നാണ് ലൈംഗികവിദ്യാഭ്യാസം. മറച്ചു വയ്‌ക്കേണ്ടതോ പറഞ്ഞു കൂടാത്തതോ ആയ ഒന്നായി ലൈംഗികതയെ മുതിർന്നവർ കാണുന്നതിനാൽതന്നെ സമൂഹത്തിൽനിന്നും മറ്റും ലഭിക്കുന്ന തെറ്റായ വിവരങ്ങളും കാഴ്ചപ്പാടുകളും സ്വരൂപിച്ച് കുട്ടികൾ വഴിതെറ്റുന്നു. അതോടൊപ്പം മദ്യം, മയക്കുമരുന്ന് തുടങ്ങിയ സാമൂഹ്യവിപത്തുകളും. ഇത്തരം വഴിതെറ്റലുകളെ വിവരിക്കുകയാണ് കലാ ഷിബു. ശരിയായ മൂല്യങ്ങളെന്തെന്നും ലൈംഗികവിദ്യാഭ്യാസമെന്തെന്നും അതെങ്ങനെ നല്കണമെന്നും വിശദീകരിച്ചുകൊണ്ട് അദ്ധ്യാപകർക്കും രക്ഷിതാക്കൾക്കും വിദ്യാർത്ഥികൾക്കും വഴികാട്ടിയാകുന്ന പുസ്തകം.