Oru Theruvinte Kadha

മലയാള നോവൽ സാഹിത്യത്തിലെ ഒരു നാഴികക്കല്ലാണ് ഈ പുസ്തകം. ഒരു തെരുവിന്റെ പശ്ചാത്തലത്തിൽ കഥ പറയുന്ന നോവൽ. ഇതിലെ കഥാ പാത്രങ്ങളായ ഓമഞ്ചിയും, രാമുണ്ണി മാസ്റ്ററും, ആയിശയും, മുരുകനും, മാലതിയും വികൃതിക്കൂട്ടങ്ങളും എല്ലാ തെരുവുകളിലുമുണ്ട്. കഥാപാത്രങ്ങൾ  ജീവിക്കുകയാണ് ഈ നോവലിൽ.  ഒന്നുമില്ലായ്മയിൽ ജീവിക്കുന്ന കുറെ മനുഷ്യരുടെ വേദനയും സന്തോഷങ്ങളും ഈ നോവലിൽ വരച്ചുകാട്ടുന്നു. പത്രങ്ങളുടെ തലക്കെട്ടുകൾ ഉറക്കെ വായിച്ചുകൊണ്ട് വിപണനം നടത്തുന്ന കൃഷ്ണക്കുറുപ്പിലൂടെയാണ് തെരുവിന്റെ വിശാലമായ ലോകം അനാവരണം ചെയ്യുന്നത്. തെരുവിലെ സാധാരണ ജനങ്ങൾ തന്നെയാണിതിലെ കഥാപാത്രങ്ങളും. 1962 ലെ സാഹിത്യ അക്കാദമി പുരസ്കാരം നേടിയ നോവലാണിത്.